En Galletas Xianas, combinamos tradición e innovación para preservar unha receita histórica galega. Elaboradas artesanalmente con ingredientes naturais, sen aditivos nin conservantes, destacan polo auténtico sabor a manteiga, complementado con améndoa, coco ou café, para satisfacer os padais máis esixentes.

Traballamos día a día para ofrecer unha alternativa de calidade a todas as persoas que buscan un doce artesanal, único e distinguido. Exclusividade, proximidade e principios vencellados ao rural son fundamento para deixar pegada nos padais de quen se anime a degustar os nosos produtos.

En Melanger amamos o que facemos. Somos un obradoiro de pastelería que atende a dous principios: o respecto polo produto e a calidade das materias primas.

Feitas de xeito artesanal, conservando a receita de sempre para manter viva a tradición da nosa vila.

Xacobleas adícase a elaboración artesanal de obleas seguindo a tradición establecida pola receita
dos conventos, evitando o uso de aditivos, graxas ou azúcares.
Evolucionamos e revalorizamos este produto, presentándoo por exemplo en forma de cuncha de
vieira e con diferentes sabores empregando especias como canela, xenxibre, cacao, curry ou
pimentón. A gran versatilidade deste producto permite incluílo en cociña en todo tipo de
elaboracións doces e salgadas.
Na gama de Xacobleas Chocolate empregamos de base a oblea acompañándoa de chocolate de
excelente calidade e decoradas con froitos secos e froitas deshidratadas, converténdoas en
auténticos bombóns crocantes que van deixando curiosos matices en boca a medida que se van
degustando.